Schee, dass Sie reinschaun! Setzn's sich ruhig her zu uns! Jetz, Sepp, rutsch halt a weng!

Wissen's noch, damals? Mei, hod des guad gschmeckt dahoam! Und heut? Hin und wieder "macht ma ab jetz alles anders" und kauft um fünf vor acht nach da Arbeit im Supermarkt noch schnell ein. Do gfrein de sich jedsmal! Ja mei, am End lacht mei Pizza-Lieferant wieder recht. Der hod immer Spaß!

Desweng bin i a öfter mal bei meine Eltern. Und damit da Bua endlich wos Gscheid's zum Essen hod, weckt mei Mama jetz für mi ein.
De handgmachten und liebevoll eingweckten Schmankerl von meiner Mama nach unsre traditionellen Familienrezepte können Sie jetz a probiern. Von herzhafte Speisen über Grillbeilagen bis zu süße Köstlichkeiten weckt mei Mama alles ein, wos sich in am Weckglas unterbringen lasst.
A bisserl wos geht immer! An Guadn!

Ach ja: jetz war ma a scho in da Presse. Do gfrein mia uns natürlich narrisch! Des hätt ma uns, als mia im Januar 2017 angfangen ham, ned träumen lassen. Da Sepp is halb ausgflippt. D'Autogrammkarten hob i ihm zum Glück no ausreden können. Aber des is halt einfach schee, wenn ma do drin is:

Lisa Romance     RTS - Salzburg