Familien-Gschicht'n
Mögen Sie a de mit Schokolade überzognen Früchte so gern, de es überall auf de Volksfeste, Christkindl-Märkte und auf jedem sonstigen Fest gibt? Do hätt i jetz a scho wieder a Gschicht aus meiner Kindheit, aber wenn i ehrlich bin, is des bei mir vollkommen egal, ob als Kind oder heut - wo Holzbudn stehn, halt i sofort Ausschau! Des is wie mit dene Bällebäder. Irgendwie möcht ma a als Erwachsner jedsmal mit Anlauf reinhupfn.
Wenn ma am Geruch von de gebrannten Mandeln nachgeht, is ma a scho auf'm richtigen Weg. Und do lieng's dann meistens daneben: Schoko-Erdbeeren, Schoko-Bananen, Schoko-Äpfel und Schoko-Trauben. Von zartbitter bis weiss. Ab und zu gibt's a noch an Exotik-Mix. Aber guad, des muss jeder selber wissn! Und bei uns gibt's jetz den Hochgenuss ganzjährig in Form von unsre Schoko-Fruchtaufstriche. Als erstes mei heimlicher Favorit: Schoko-Banane. Wie auf'm Volksfest! Nur dass Ihnen vom Spieß nix abbricht. Besser geht's doch ned!
